ເປີດ​ນຳ​ໃຊ້​ຢ່າງ​ເປັນ​ທາງ​ການ​ໂຄງ​ການກໍ່​ສ້າງ​ທາງ​ຟ້າ​ງ​ຸ່ມ, ທາງ​ໄກ​ສອນ ພົມ​ວິ​ຫານ ແລະສະ​ໜາມ​ຂີ້​ເຫຍື້ອ​ບ້ານ​ຊອກ

 

 

 

ເປີດ​ນຳ​ໃຊ້​ຢ່າງ​ເປັນ​ທາງ​ການ​ໂຄງ​ການກໍ່​ສ້າງ​ທາງ​ຟ້າ​ງ​ຸ່ມ, ທາງ​ໄກ​ສອນ ພົມ​ວິ​ຫານ ແລະສະ​ໜາມ​ຂີ້​ເຫຍື້ອ​ບ້ານ​ຊອກ.************************************************************ພິທີມອບ-ຮັບ ແລະເປີດນຳ ໃຊ້ຢ່າງເປັນທາງການໂຄງ ການກໍ່ສ້າງທາງໄກສອນ ພົມ ວິຫານ, ທາງຟ້າງຸ່ມ ແລະສະ ໜາມຂີ້ເຫຍື້ອ ບ້ານຊອກ ສຳລັບ ໂຄງການພັດທະນາຕົວເມືອງ ຕາມແລວເສດຖະກິດຕາເວັນ ອອກ-ຕາເວັນຕົກອະນຸພາກ ພື້ນແມ່ນ້ຳຂອງໄດ້ຈັດຂຶ້ນໃນ ຕອນເຊົ້າຂອງວັນທີ 1 ກໍລະ ກົດ 2020 ທີ່ສວນສາທາລະ ນະໄກສອນ ພົມວິຫານ ໂດຍ ການ ເປັນກຽດເຂົ້າຮ່ວມໃນພິ ທີຄັ້ງນີ້ຂອງ ທ່ານ ນາງ ວິໄລ ຄຳ ໂພສາລາດ ຮອງລັດ ຖະມົນ ຕີກະ ຊວງ ໂຍທາທິການ ແລະ ຂົນສົ່ງ, ທ່ານ ທ່ອນແກ້ວ ພຸດທະໄກຍາລາດ ຮອງເຈົ້າ ແຂວງສະຫວັນນະເຂດ ພ້ອມ ດ້ວຍຄະນະນຳຈາກສູນກາງ ແລະທ້ອງຖິ່ນ, ແຂກຖືກເຊີນ ຕະຫຼອດເຖິງຄະນະນຳ, ຊ່ຽວ ຊານ ແລະທີ່ປຶກສາໂຄງການ GMS ແລະບໍລິສັດຜູ້ຮັບເໝົາກໍ່ສ້າງໂຄງການເຂົ້າຮ່ວມ.ໃນພິທີ, ທ່ານ ໄຊຍະເສນ ແກ້ວວິໄລສັກ ຫົວໜ້າພະແນກ ໂຍທາທິການ ແລະຂົນສົ່ງ ແຂວງສະຫວັນນະເຂດ ໄດ້ລາຍ ງານໃຫ້ຮູ້ໂດຍຫຍໍ້ກ່ຽວກັບ ການຈັດຕັ້ງປະຕິບັດ 3 ໂຄງ ການກໍ່ສ້າງທີ່ຈະໄດ້ມອບ-ຮັບ ກັນໃນຄັ້ງນີ້ ຊຶ່ງທັງ 3 ໂຄງ ການແມ່ນນອນໃນ 7 ໜ້າ ວຽກຫຼັກຂອງໂຄງການ GMS ເຊິ່ງເປັນໂຄງການເງິນກູ້ຢືມ ແລະ ຊ່ວຍເຫຼືອລ້າຈາກທະນາ ຄານພັດທະນາອາຊີ ແລະທຶນ ສົມທົບຂອງລັດຖະບານລາວ, ລວມມີມູນຄ່າທັງໝົດ 47,74 ລ້ານໂດລາສະຫະລັດ ໃນນີ້ສຳ ລັບໂຄງການກໍ່ສ້າງທາງໄກ ສອນ ພົມວິຫານ ມີຄວາມຍາວ 6,182 ກມ, ມູນຄ່າ7.546.207 ໂດລາສະຫະລັດ, ພື້ນໜ້າທາງ ປູດ້ວຍຢາງຂົ້ວຄວາມໜາ 7 ຊມ, ປະກອບມີ 4 ເລນ, ເບື້ອງ ລະ 2 ຊ່ອງການຈໍລະຈອນ, ມີ ທາງລົດຈັກ ແລະລົດຖີີບກວ້າງ ເບື້ອງລະ 1,5 ມ, ລວມຄວາມ ກວ້າງ 2 ເບື້ອງ 24 ມ, ກໍ່ດອນ ກາງກວ້າງ 2,4 ມ, ມີໜານ ປູກດອກໄມ້ໃຫ້ຟຸ່ມ ແລະປູກ ຫຍ້າ ລວມທັງໝົດ 432 ໜານ, ມີການຕິດຕັ້ງໄຟເຍືອງທາງ ທັງໝົດ 213 ຕົ້ນເປັນດອກຄູ່, ປູກໄມ້ແຄມທາງ 2 ເບື້ອງ, ມີທາງຍ່າງ 2 ເບື້ອງ, ມີວົງ ວຽນ 2 ຈຸດຄື: ວົງວຽນສັນຍາ ລັກອາຊຽນ ແລະວົງວຽນກະ ບອງ. ພ້ອມນີ້ຍັງມີໜ້າວຽກ ເພີ່ມອີກຄືທາງເຂົ້າສະໜາມ ບິນ ຄວາມຍາວ 730 ແມັດ, ມູນຄ່າ 356.974 ກວ່າໂດລາ ສະ​ຫະ​ລັດ, ປູຢາງຂົ້ວໜາ 5 ຊມ, ປະກອບມີເສົາໄຟ 17 ຕົ້ນ ແລະປູກຕົ້ນຈຳປາ 2 ຂ້າງທາງ ໂດຍແມ່ນບໍລິສັດລັດວິສາຫະ ກິດກໍ່ສ້າງທາງເລກ 8; ສ່ວນ ໂຄງການກໍ່ສ້າງທາງຟ້າງຸ່ມ ມີຄວາມຍາວ 2,147 ກມ, ໜ້າ ທາງປູຢາງຂົ້ວໜາ 5 ຊມ, ມູນ ຄ່າກໍ່ສ້າງ 2.289.611 ກວ່າໂດ​ລາ​ສະຫະ​ລັດ, ຕິດຕັ້ງ ໄຟເຍືອງທາງແຂນດ່ຽວ 24 ຕົ້ນ, ແບບແຂນຄູ່ຢູ່ສວນ 46 ຕົ້ນປູກຕົ້ນໄມ້ພິກຸນສອງເບື້ອງ 240 ຕົ້ນ, ມີເນື້ອທີ່ສວນສາທາ 21,760 ຕາແມັດ, ມີຫ້ອງຂາຍ ເຄື່ອງທີ່ລະນຶກ ແລະເຄື່ອງດື່ມ ຂະໜາດ 7×12 ມ, 1 ຫຼັງໃນ ສວນປະກອບມີຕົ້ນໄມ້ທັງໝົດ 345 ຕົ້ນ ພ້ອມນັ້ນກໍ່ມີລານ ອະເນກປະສົງ, ວົງວຽນກອງ, ຫໍໂມງ ແລະປ້າຍຊື່ສວນອີກ ດ້ວຍ ຊຶ່ງຮັບເໝົາການກໍ່ສ້າງ ໂດຍບໍລິສັດຈຳປາຄຳກໍ່ສ້າງ ສ້ອມແປງຂົວທາງ ແລະເຄຫາ ສະຖານຈຳກັດຜູ້ດຽວ, ສຳລັບ ໂຄງການສະໜາມຂີ້ເຫຍື້ອ ບ້ານຊອກລວມມີເນື້ອທີ່ຂອງ ໂຄງການ 10 ເຮັກຕາ, ໂດຍສະ ໜາມຂີ້ເຫຍື້ອມີມູນຄ່າໃການກໍ່ ສ້າງທັງໝົດ 1.659.205 ກວ່າ ໂດລາປະກອບດ້ວຍສິ່ງປຸກ ສ້າງ ເພື່ອອຳນວຍຄວາມສະ ດວກດັ່ງນີ້: ລະບົບຊິງຊັ່ງ 1 ຈຸດ, ອາຄານຫ້ອງການບໍລິຫານ, ທາງ ເບຕົງຍາວ 561 ມ, ມີ ຮ່ອງ ນ້ຳຂ້າງທາງ, ມີຫ້ອງນ້ຳ, ອາຄານຄັດແຍກຂີ້ເຫຍື້ອ, ອາ ຄານຜະລິດຝຸ່ນບົ່ມ, ອາຄານ ຕາກ ອາຈົມ, ຂຸມຖິ້ມຂີ້ເຫຍື້ອ ໃໝ່ ເນື້ອທີ່ 3,08 ເຮັກຕາ, ໜອງ ບຳບັດນ້ຳເສຍລະບົບເຕີມອາ ກາດ, ໜອງບຳບັດນ້ຳເສຍຕົກ ຕະກອນ, ປ້ອມຍາມ, ຮົ້ວອ້ອມ ສະໜາມ, ໝໍ້ແປງໄຟຟ້ານອກ ນັ້ນຍັງມີການສະໜອງອຸປະ ກອນອື່ນໆເຂົ້າ ໃນການ ກຳຈັດ, ການເຮັດຝຸ່ນບົ່ມ ແລະການນຳເອົາຂີ້ເຫຍື້ອມານຳໃຊ້ຄືນໃໝ່ ເຊິ່ງປະກອບມີພາຫະນະດັ່ງນີ້: ລົດຈົກ 1 ຄັນ, ລົດດ້າມ 2 ຄັນ, ລົດເກັບຂີ້ເຫຍື້ອອັດແໜ້ນ 8 ແມັດກ້ອນ 2 ຄັນ, ລົດ ເກັບຂີ້ເຫຍື້ອ 6 ແມັດກ້ອນ 2 ຄັນ, ລົດລ້າງທາງ-ດູດນ້ຳ ເປື້ອນ 1 ຄັນ, ລົດປັດຝຸ່ນ 1 ຄັນ, ຖັງຂີ້ເຫຍື້ອບັນຈຸ 120 ລິດ 400 ຖັງ, ມູນຄ່າ 709.000 ໂດລາ ແລະຈະນຳເຂົ້າພາຫະ ນະຕື່ມອີກໃນງວດທີ 2 ຄາດ ວ່າໃນເດືອນ 8 ປີ 2020 ນີ້ ຊຶ່ງປະກອບມີ: ລົດຕັກນ້ອຍຕີນ ຂີ້ເຂັບ 1 ຄັນ, ລົດດູດນ້ຳເປື້ອນ (ອາຈົມ) 2 ຄັນ, ລົດດູດສຳ ລັບສະໜາມຂີ້ເຫຍື້ອ 1 ຄັນ, ລົດຕັກຕີນຢາງ ພ້ອມມີບ່ວງ ເຂິງ 1 ຄັນ, ເຄື່ອງເຂິງ ຮ່ອນ ແບບໝູນ 1 ເຄື່ອງ ແລະເຄື່ອງ ຈັກໜີບ 1 ເຄື່ອງ ແລະເຄື່ອງ ຈັກບົດກະຕຸກຢາງ 1 ເຄື່ອງ, ລວມມູນຄ່າ 856.600 ໂດລາ, ລວມມູນຄ່າອຸປະກອນ ທັງໝົດ ຈຳນວນ 1.565.600 ໂດລາ ໂດຍແມ່ນບໍລິສັດວີເອັສ໌ພີກໍ່ ສ້າງຈຳກັດຜູ້ດຽວເປັນຜູ້ຮັບ ເໝົາການກໍ່ສ້າງ.ໂອກາດນີ້, ຄະນະປະທານ ກໍ່ໄດ້ຮ່ວມກັນ ລັ່ນຄ້ອງ 9 ບາດ ພ້ອມທັງຕັດແຖບຜ້າ ແລະປ່ອຍ ໝາກປຸ້ງຂຶ້ນສູ່ທ້ອງຟ້າ ເພື່ອ ເປັນສັນຍາລັກຂອງການ ມອບ-ຮັບ ແລະເປີດນຳໃຊ້ 3 ໂຄງການກໍ່ສ້າງດັ່ງກ່າວຢ່າງ ເປັນທາງການ.

Comments

comments

Leave a Reply